Аналіз буквара

Аўтарамі аналізуемага буквара з’яўляюцца Свірыдзенка В.І., Цірынава В.І. Дадзены падручнік і рабочыя пропісі складаюць поўны камплект вучэбнага матэрыялу для навучання першакласнікаў грамаце, чытанню і пісьму. У асове курса ляжыць ідэя развіццёвага навучання (Д.Б. Эльконіна і інш.) Гэты вучэбны дапаможнік захоўвае традыцыі класічнай методыкі навучання грамаце (А.К. Клышка, А.Ф. Шанько і інш.). У буквары рэалізаваны кампетэнтнасны, лінгвакультуралагічны, камунікатыўна-дзейнасны і асобасна арыентаваны падыходы.

Параўноўваючы буквар Свірыдзенка В. І., Цірынавай В. І. з букваром Клышкі А.К., можна ўбачыць, што ад буквара Клышкі А.К. у новым буквары застаўся только памер, а змест і ілюстрацыі змяніліся. 

У буквары А.К. Клышкі ў большасці тэкставы матэрыял быў аўтарскім і не адапціраваўся. Кніга выдзялялася тонкім паэтычным пачуццём жывой беларускай мовы з яе багатым лексіка-граматычным ладам, экспрэсіяй, разнастайнасцю гульнявога языкавога матэрыялу (пасловіцы, пагаворкі, скорагаворкі, рэбусы, загадкі). Для дзяцей гэты буквар быў сапраўднай энцыклапедыяй прыроды і жыцця.

У параўнанні з букваром А.К. Клышкі на старонках буквара В.І. Свірыдзенка, В.І. Цірынавай з’явіліся звесткі пра камп’ютар, Skype, мабільны тэлефон, інтэрнэт. Асноўнае адрозненне новага  буквара – нацыянальны патэнцыял. Таксама кніга нясе ў сабе вялікі выхаваўчы патэнцыял, дае магчымасць першакласнікам пазнаць галоўныя агульначалавечыя і нацыянальныя каштоўнасці: сяброўства, любоў да Радзімы, да сваіх блізкіх, клопат пра старэйшых і дапамога малодшым; вучыць працавітасці, самастойнасці, атказнасці за свае ўчынкі. Тэматыка тэкстаў для чытання цесна звязана з Беларуссю, што дае магчымасць засвойваць веды пра жывёльны і раслінны мір, рэкі, замкі і памятныя мясціны Радзімы. На старонках буквара шырока выкарыстоўваецца беларускі арнамент, ім упрыгожана кожная новая буква. 

Увесь матэрыял новага буквара накіраваны на гарманічнае развіццё першакласніка, яго імкненне да ведаў.

Змены існуюць у кожным перыядзе навучання грамаце. Разгледзім іх больш падрабязна. У падрыхтоўчым перыядзе навучання грамаце з асноўнага перыяду перанесены вучэбныя тэмы “Склад слова”, “Націск”, “Галосныя гукі”, “Звонкія і глухія зычныя гукі”, бачна новая графічная сістэма адлюстравання гукаў у схемах слоў (асобая сістэма мадэлявання); у змест навучання уведзены спосабы дзеяння і новыя дыдактычныя гульні для іх адпрацоўкі; выкарыстоўваюцца апорныя схемы для падагульнення атрыманых ведаў.