Жывая памяць Беларусi

Нядаўна выйшаў фільм аб знакамітым «Лакаматыве», які не зрабіў на мяне ніякага ўражання. Вельмі шкада, бо трагедыя, якая адбылася 7 верасня 2011 года, закранула не толькі Расію, але і Беларусь: у складзе хакейнай каманды прымалі ўдзел абаронец Руслан Салей, нападаючы Сяргей Астапчук і трэнер Мікалай Крываносаў.

Я лічу, што аб «Лакаматыве» павінны зняць больш цікавы фільм. Ну а пакуль такога няма, прапаную вам мой варыянт, як можна ўвекавечыць памяць каманды ў нашай краіне. Бо яна гэта заслужыла.

1) Інфармацыя аб камандзе і яе трагедыі…

«Лакаматыў» – папулярная расійская хакейная зборная, у якую ўваходзілі такія майстры сваёй справы, як Брэд Макрыман (Канада), Стэфан Ліў (Швецыя), Карэл Рахунек (Чэхія), Руслан Салей (Беларусь) і іншыя знакамітыя гульцы. Чэмпіянат дадзены склад пачынаў у якасці бронзавага прызёра мінулага першынства. У новым сезоне каманда ставіла мэту выйграць золата ў мясцовага «Дынама» [4]. Але не атрымалася… І не выйдзе ніколі…

7 верасня 2011 года «Лакаматыў» вырашыў адправіцца ў Мінск на чэмпіянат на самалёце Як-42. Каманда разам са сваім персаналам вылецела з Яраслаўля чартарным рэйсам у Беларусь на матч Кантынентальнай хакейнай лігі. Аднак у паветры самалёт пратрымаўся ўсяго некалькі секунд. Справа ў тым, што падчас разбегу авіялайнер выкаціўся за межы ўзлётнай паласы і здзейсніў пад’ём ужо з грунту. Самая вялікая вышыня яго склала 5-6 метраў. Затым самалёт сутыкнуўся левым крылом з радыёмаяком, урэзаўся ў зямлю на беразе ракі Тунашонка, разбурыўся і згарэў. Выжыла толькі два чалавекі, адзін з якіх памёр у бальніцы праз 5 дзён пасля трагедыі [3]. 

Зараз у клуба «Лакаматыў» новая каманда. Але мы ніколі не забудзем старую.

7 верасня 2011 года хакей і балельшчыкі пазбавіліся выдатнай каманды, якая заўсёды імкнулася да перамогі і дамагалася яе, дзякуючы ўласным намаганням. Беларусы ж страцілі трох гульцоў, якімі ганарыліся, пачыталі і любілі. 

2) Гістарычнае значэнне мінскіх хакеістаў і падзеі

У ліку 44 загінулых апынуліся капітан нацыянальнай зборнай Руслан Салей (36 гадоў), форвард Сяргей Астапчук (21) і трэнер па фізічнай падрыхтоўцы Мікалай Крываносаў (31). Гэтых беларусаў ведала ўся цяперашняя каманда «Дынама». Іх паважалі і балельшчыкі іншых зборных па хакеі.