Рэцэнзія на вучэбную праграму па беларускай мове і літуратуры ў 1 класе

Распрацаваная вучэбная праграма па вучэбным прадмеце «Навучанне грамаце» прызначана для вучняў 1 класа ўстаноў адукацыі, якія рэалізуюць адукацыйныя праграмы агульнай сярэдняй адукацыі з беларускай мовай навучання і выхавання.

У дадзенай вучэбнай праграме вызначана колькасць вучэбных гадзін на тыдзень на вывучэнне такіх прадметаў, як «Беларуская мова» і «Беларуская літаратура»; вызначаны тыпы правядзення ўрокаў; мэты і задачы, якія прымяняюцца да гэтых прадметаў, а таксама вызначана выкарыстанне дзейсных метадаў навучання пісьму і чытанню.

Дадзеная вучэбная праграма заснавана на паслядоўным навучанні вучняў першапачатковму чытанню і пісьму, якія ажыццяўляюцца праз: паэлементнае напісанне літар (фарміраванне ў памяці вучня выразнай зрокавай выявы літары, якая складаецца з пэўных элементаў); аднаварыянтнае (стабільнае) напісанне літар (ідэнтычнасць формы літарнага знака і паслядоўнасці яго напісання, напрыклад, усе літары, якія змяшчаюць у сваім складзе авал, маюць адзіны варыянт яго напісання); групоўку літарных знакаў (аб’яднанне літар у групы па прымеце наяўнасці ў іх агульнага элемента).