Белорусская детская литература

Якуб Колас займае адно з самых ганаровых месцаў у гісторыі беларускай дзіцячай літаратуры. Яму належыць гонар быць адным з яе заснавальнікаў. Народны паэт азначыў шляхі развіцця нацыянальнай дзіцячай літаратуры. Гэта былі шляхі народнасці і патрыятызму, гуманізму і інтэрнацыяналізму. Якуб Колас пакінуў магутны след у беларускай дзіцячай літаратуры. Ён надаў творам для дзяцей такія ідэйна-мастацкія асаблівасці, якія засталіся жыць у літаратуры, сталі традыцыйнымі. Вельмі шырокі і ўзроставы дыяпазон кніг пісьменніка: ад казак для дашкольнікаў да кніг для юнацтва. Кожны твор пісьменніка знаходзіць свайго ўдзячнага чытача сярод дзяцей. І ў гэтым – пацверджанне таго, што спадчына народнага паэта ўвайшла ў залаты фонд класічных твораў.

Першая кніга Якуба Коласа «Другое чытанне для дзяцей беларусаў», выдадзеная ў 1909 годзе, з'яўляецца найкаштоўнейшым укладам у беларускую дзіцячую літаратуру, значным этапам у гісторыі яе развіцця. 

Кніга Якуба Коласа «Другое чытанне для дзяцей беларусаў» адпавядае патрабаванням дзіцячага ўзросту, рознабакова адлюстроўвае жыццё, адрозніваецца адзінствам стылю, народнасцю і багаццем мовы, паслядоўнасцю, лагічнасцю пабудовы. Увагу дзяцей адразу прыцягвала вокладка кнігі і перш за ўсё таму, што на фоне зімовага пейзажу быў намаляваны вясковы хлопчык, аднагодак юнага чытача. Задума аб адзінстве дзяцей і прыроды праходзіць амаль праз усе апавяданні і вершы кнігі для чытання. Мінавіта гэта кніга выявіла ў творчасці Якуба Коласа яркія асаблівасці дзіцячага пісьменніка: глыбокае пранікненне ў духоўны свет дзіцяці, сардэчнае, ўвага да працоўнага чалавека, уменне складанае рабіць простым і зразумелым, паэтычным і цікавым. 

Асноўная педагагiчная задача аўтара – пашырыць жыццёвы кругагляд дзяцей, навучыць iх роднай мове, выхаваць iх у духу высокiх грамадзянскiх i эстэтычных iдэалаў, – вызначае змест i будову чытанкi.